sexta-feira, 30 de julho de 2010

Mun Eivör spila með færeyska landsliðinu á Stokkseyri?


Einn af þeim viðburðum sem verða á Færeyskum fjölskyldudögum á Stokkseyri nú um verslunarmannahelgina er landsleikur á milli Færeyja og Íslands. Vonir standa til að Eivör muni ekki eingöngu spila á stórtónleikum á laugardags og sunnudagskvöld heldur einnig með færeyska liðinu sem keppir í fótbolta við hið íslenska.

Íslendingar eiga harma að hefna frá því í fyrra en þá unni færeyingar með litlum mun. Leikurinn hefst kl. 13:30 á laugardaginn og er aðgangur ókeypis. Veðurspá er góð fyrir Stokkseyri um helgina og útlit fyrir góða mætingu og stemmingu líkt og raunin var í fyrra.

Skráð af: Reynir Már Sigurvinsson

Source: STOKKSEYRI.IS

Nenhum comentário:

Postar um comentário