Skrivað hevur: Katrin Erlendsdóttir, katrin@dimma.fo
Eftir fleiri ára bíðitíð koma donsku Nik og Jay nú við nýggjari útgávu. Hesaferð verður tað við føroyskum íblástri, tí lagið Trøllabundin hjá Eivør við á útgávuni - flættað inn í eitt lag hjá Nik og Jay
- Tað var faktiskt eitt yvirraskilsi fyri meg eisini, sigur Eivør, sum herfyri fekk eina heldur óvæntaða tónleikaliga avbjóðing.Eitt av hennara løgum, Trøllabundin, er komið við á nýggju útgávuna hjá Nik og Jay.Í eini fýra ár hava fjepparar bíðað eftir einari nýggjari útgávu frá teimum báðum, og nú er hon sá á gáttini. Útgávudagurin er settur at vera 24. apríl.Heitið á nýggju fløguni er Engle eller Dæmoner, og tað er eisini heitið á lagnum, har Eivørsa Trøllabundin verður flættað inní.- Eg bleiv uppringd av plátufelagnum hjá mær fyri umleið einum mánað síðan. Tey skuldu vísa mær nakað, sum eg skuldi góðtaka, sigur Eivør, sum síðani hevur givið Nik og Jay loyvi til at brúka Trøllabundin á nýggju útgávuni.Eivør og Nik og Jay eru tilknýtt at sama plátufelagi, Copenhagen RecordsBlandaður tónleikurFøroyskur tónleikur við føroyskum teksti er ikki júst tað, vit vanliga seta í samband við danskar rapprútmur, men tað eru júst seymirnir, sum Nik og Jay hava brúkt, tá teir hava smíðað lagið Engle eller Dæmoner.Fyrsta singlan av nýggju útgávuni, Mod solnedgangen, kom annars á marknaðin longu í februar í ár, men nú kemur so restin av útgávuni eisini.KonsertirUmframt at vera við á útgávuni, skal Eivør eisini vera við á nøkrum av stóru konsertunum, sum standa á skránni hjá Nik og Jay. Tær verða seinni í ár.- Hetta er slett ikki mín kategori, sigur føroyska songkvinnan, men tað er stuttligt at vera við,
Dimmalætting © 2011
Via: DIMMA.FO
Nenhum comentário:
Postar um comentário